RAWNG TAKA THAH PI VANLALSIAMI RUANG CHHAR A NI

Jenny Ruati Darla

Aizawl, July 4, 2014: Tukin zing dar 8:55 vel khan Bawngkawn Brigade ramah Pi Vanlalsiami (Asiami) ruang chhar a ni a, a nghawngah chema zai a ni a, he thu buatsaih lai hian a thattua rinhlelh mante zingah inpuang an la awm lo.

He ruang hi Pi Vanlalsiami (Asiami tia koh bawk), Pu Vanlalhlua ( Vanawia tia an koh mai) nupui kum 35 mi, niin fa 2 nei tawh a ni a. Tukkin zing dar 8:55 vel khan Birgade panna kawng kawrpui bul kawng chhak hnim zingah Pi Vanzampuii chuan an tui pipe chhia enfiahnaah ruang hi a hmu a, Police te hrilh a ni a. A nghawngah thuk taka zaina a awm a, tunge ani hriat a ni lawk lo a, vawiin chhun khan Pi Vanlalsiami w/o. Pu vanlalhlua Bawngkawn Greenwood Hospital chhak lama awm a ni tih hriat chhuah chauh a ni a, a thih dan hi nasa taka sawisak hnuah laksawn niin a lang bawk a, a lan danin nizan lam emaw tukkin zing thil thleng emaw niin a lang a, thisen far te pawh a la thar hle a, a hmunah hian Police te bakah Forensic mithiamte kalin thil awmdan an enfiah nghal a, Pi Vanlalsiami an in te pawh enfiah a ni bawk.

Pi Vanlalsiami thih thuah hian a pasal Pu Vanlalhlua (Vanawia) leh rinhlelh thenkhat chu Police ten an man a, he thu buatsaih lai hian inpuang an la awm lo a, a ruang hi post mortem a ni a, he thu buatsaih lai hian tunge la dawn hriat a ni rih lo bawk.

Source: Mizo Special Report